ក្រុងព្រះសីហនុ៖ ព្រឹកថ្ងៃទី១៩ ខែកុម្ភៈ ឆ្នាំ២០២៦ បរិយាកាសនៅ កំពង់ផែស្វយ័តក្រុងព្រះសីហនុ ក្លាយជាចំណុចទាក់ទាញភ្នែក ខណៈនាវាទេសចរណ៍ប្រណីតខ្នាតយក្ស Seven Seas Explorer សញ្ជាតិ Marshall Islands ចូលចតយ៉ាងអធិកអធម។
ពិធីទទួលស្វាគមន៍ដឹកនាំដោយ ឯកឧត្តម សាមុត សុធារិទ្ធ តំណាងរដ្ឋបាលខេត្ត បង្ហាញពីការយកចិត្តទុកដាក់ខ្ពស់លើសន្តិសុខ និងសុវត្ថិភាពជូនភ្ញៀវអន្តរជាតិ។
🔹 ប្រវែង ២២៣.៧៤ ម៉ែត្រ | ទទឹង ៣១ ម៉ែត្រ | ជម្រៅទឹក ៧ ម៉ែត្រ
🔹 ភ្ញៀវទេសចរ ៧៣០ នាក់ (ស្រី ៣៧៤ នាក់) មកពី ២៤ សញ្ជាតិ
🔹 ជនជាតិអាមេរិកច្រើនជាងគេ ៥៤១ នាក់
🔹 នាវិក ៥៤៦ នាក់ ពី ៤០ សញ្ជាតិ
នាវាធ្វើដំណើរពីប្រទេសថៃ បន្តឆ្ពោះទៅវៀតណាម ខណៈភ្ញៀវ ៦៣ នាក់ ត្រូវបានសម្របសម្រួលបន្តដំណើរកម្សាន្តទៅខេត្តសៀមរាប ទស្សនា ប្រាសាទអង្គរវត្ត មុនចាកចេញតាមអាកាសយានដ្ឋានអន្តរជាតិសៀមរាប។
ការចូលចតជាបន្តបន្ទាប់នៃនាវាទេសចរណ៍ខ្នាតធំ បញ្ជាក់ថា ព្រះសីហនុ កំពុងក្លាយជាគោលដៅទេសចរណ៍សំខាន់មួយក្នុងតំបន់ អាស៊ាន បង្ហាញពីភាពសុវត្ថិភាព ទំនុកចិត្ត និងសក្តានុពលសេដ្ឋកិច្ចកំពុងកើនឡើងយ៉ាងច្បាស់។
